Friday, July 27, 2007

பொடியன் பதிவு விற்பனை மண்டி

நாட்டுல்ல எவ்வளவோ தொழில் இருக்குங்க. எந்தத் தொழில் செய்தாலும் அதில் ஒரு பக்தி வேணும், நேர்மை வேணும், ஒரு நம்பிக்கை வேணும் அப்படின்னு எங்க முத்லாளி சொல்லுவார். நான் பிளாக் எழுதலாம்ன்னு தான் இங்கே வந்தேன், ஆனா வந்த நேரம் எல்லாமே மாறிடும் போலிருக்கு. நம்ம மொபைல் விடாம சிணுங்குது (ஊர்ல்ல இருக்க நம்ம அத்தைப் பொண்ணுகிட்ட ஆசையாப் பேச வாங்குனது. நோக்கியா என் சிரிஸ் மொபைல். விலை அதிகம் தான் ஆனா ஆசையின்னு வந்தா விலை எல்லாம் கண்ணுக்குத் தெரியுதா என்ன?) கிட்டத்தட்ட எல்லா பதிவரும் போனைப் போட்டு பொடியா எங்க பிளாக்கையும் ஒரு நல்ல விலைக்கு வித்துக் கொடுக்க முடியுமா? உனக்கு 10% கமிஷ்ன் தர்றேன்னு எல்லாம் ஆசைக் காட்டுறாங்க. இந்த வியாபாரமும் நல்லா இருக்கும் போலிருக்கே

எல்லாரும் பிளாக் விவரங்களைக் கொடுத்துட்டாங்க. சிலர் விலையை டாலர்ல்ல கேக்குறாங்க. இன்னும் சிலர் யூரோவில்ல கேக்குறாங்க.

எல்லாம் வல்ல ஆண்டவனை வேண்டிகிட்டு நம்ம வியாவாரத்தை ஆரம்பிக்கிறேன். கடவுள் ஆசிர்வதிக்கணும் வியாவாரம் நல்லா போகணும் லாபம் சம்பாதிக்கணும்.

முதல் போணியா இந்தப் பதிவு விலைக்கு வருது. விலைக் கேக்குறவங்கக் கேக்கலாம்.
விலையை யூரோவில்ல கேளுங்க

பூக்களப் பத்தி பல அரும் பெரும் தகவல்கள் நிறைந்த இந்தத் தளம் விற்பனைக்கு வருது

வியாபாரம் குறித்த எல்லா விவரங்களயும் பின்னூட்டங்களின் வழியாவே மெயின்டெயின் பண்ணுமாறு பாசத்தோடுக் கேட்டுக்குறேன்.

சரிங்க, முதல் வியாபாரத்தை நல்லா லாபமா ஆக்கித் தாங்க ப்ளிஸ்

Thursday, July 26, 2007

கச்சேரி TAKE OVER

உலக பதிவு வரலாற்றிலே இது தான் முதல் டேக் ஓவர்ன்னு நினைக்கிறேன்.

எம் பேர் சின்னப் பொடியன் நான் ஒரு மளிகை கடையிலே சம்பளத்துக்கு வேலைப் பாத்தேன். எங்க மொதலாளி கடையிலே பில் போட வச்சிருந்த கம்ப்யூட்டருக்கு கள்ளத்தனமா இன்டர் நெட் கனெக்ஷன் கொடுத்து பிளாக் எல்லாம் படிச்சு பித்தாகி பிளாக் எழுத ஆர்வம் அதிகமாயிருச்சுங்க.

பல நாளா யோசிச்சு சொந்தமா ஒரு பிளாக் ஆரம்பிக்கலாம் அப்படின்னு முடிவு பண்ணேங்க. அப்போத் தான் எங்க மொதலாளி சொன்னார்.

லேய் சின்னப் பொடியா, புதுசா ஆரம்பிச்சா இன்னிக்கு ஓலகத்துல்ல பொழைக்கது கஷ்ட்டம், ஏற்கனவே பிளாக் ஆரம்பிச்சு நடத்த முடியாமத் திணறிகிட்டு இருக்க பிளாக்காப் பார்த்து வாங்கிப் போட்டின்னு வை., சோலி சுளுவா முடியும்ன்னு. என் மொதலாளி வியாபார காந்தம் ஆச்சே. அவர் சொல் படி நானும் முயற்சி பண்ணேன்.

பல் பேத்துக்கிட்டேப் பேசிப் பாத்தேன். பிளாக்கை நல்ல விலைக்கு விக்க நிறைய பேர் தயாரா இருந்தாலும் நமக்கு விலைக் கட்டுப்படி ஆகல்ல. ( நெசமாத் தான் சொல்லுறேன் பிளாக் கூட விலைக்கு தர்றாங்கய்யா.. வாங்க தான் கூட்டம் கம்மியா இருக்கு). பொறவு அப்படி இப்படி விசாரிச்சு நம்ம சங்கம் போர்வாளா இருக்க தேவ் அண்ணன் கிட்டப் பேசி ஒரு வழியா அவர் நடத்திகிட்டு இருந்தக் கச்சேரியை நாங்க வாங்கிட்டோம்ப்பா.

எவ்வளவு பணம் கைமாறிச்சு? யார் எல்லாம் இதுக்கு உதவுனாங்க அப்படிங்கறதை எல்லாம் விவரமா எக்னாமிக் டைம்ஸ்ல்ல இல்ல சி.என்.என் ஐபின்ல்ல் பார்த்துப் படிச்சி அறிந்துக் கொள்ளுமாறு தாழ்மையோடு கேட்டுக்குறேன்..

தேவ் அண்ணன் கேட்டுகிட்டப் படி இப்போதைக்கு பிளாக் பேரை மட்டும் மாத்தாம சென்னைக் கச்சேரின்னு வச்சே நம்ம பதிவுலக பிரவேசத்தை ஆரம்பிக்கிறேன்.

பெரியவங்க எல்லாம் ஆசிர்வதிக்கணும், என்னையும் உங்கள்ல்ல ஒருத்தனா ஏத்துக்கணும்

இப்படிக்கு,

சின்னப் பொடியன்

Friday, July 20, 2007

தலைவி த்ரிஷாவும் டாக்டர் ஷில்பா ஷெட்டியும்

சினிமா நடிகனுக்கு ரசிகர் மன்றம் வைக்கறவன் எல்லாம் முட்டாள்ன்னு ஒரு படிச்ச அரசியல்வாதி பாவம் பிலீங் விடுறார்.. அந்த பிலீங்கின் பிளிடீங் நிக்கறதுக்குள்ளே.. அடுத்தப் பிலீங்க்கு அவரை ரெடி ஆக்கிருவாங்கப் போல இருக்கு நம்ம தங்கத் தமிழ் மகளிர்... ஆமா மகளிரேத் தான்...

இந்த போஸ்ட்டர் அடிக்கறது.. பால் ஊத்துறது... ஊல்ல்லால்லலா அப்படின்னு ஊளையிடுறது.. விசிலைப் போடுறது.. தியேட்டர்ல்ல டிஜிட்டல் பேனர் வைக்கிறது அப்படின்னு ரிலீஸ்க்கு அலம்பல் சலம்பல் சவுண்ட் கிளப்பிகிட்டு இருப்பது வெறும் ஆண் ரசிகர்கள் மட்டும் தான்...ஏன்னா அவங்க அப்படித் தான்.... இது மாதிரி ஏசி ரூம்ல்ல உக்காந்து பொட்டித் தட்டுற அக்காங்க (( கூட வேலைப் பாக்கறவங்களைச் சொல்லுறேன்ப்பா)) நிறைய பேர் அசால்ட்டா கமெண்ட் விடுவது வாடிக்கையான விசயம் தான்.. நாமளும் அதுக்கெல்லாம் எதிர் சவுண்ட் விட முடியாது.. காரணம் அவங்க சொல்லுறதுல்ல ஒரளவுக்கு உண்மை இருந்தது தான்..

இன்னிக்கு எதுக்கு இந்த மேட்டர்ன்னு பாக்குறீங்களா?

காலையிலே ஆபிஸ்க்கு வர்ற வழியிலே அடையார் ஏரியாவில்ல சும்மா பெரிய சைஸ்ல்ல போஸ்ட்டர் எல்லாம் ஜொலிக்குதுப்பா...

எங்கள் தலைவி த்ரிஷா நடித்து வெளிவரும் கிரீடம் படம் பவழ விழா காண வாழ்த்துகிறோம் - த்ரிஷா பவுண்டேஷன்



தலைவி(!!!???) அதுல்ல சும்மா குழந்தைகளோடப் போஸ்... பச்சைக் குழந்தையைக் கையிலே வச்சுக்குன்னு போஸ்ன்னு பின்னுறாங்க...

கிரீடம் படத்துல்ல தலைவி கூட நடிக்கிற தல (அஜீத்)க்கு கூட அவ்வளவு போஸ்ட்டர் பந்தா எதையும் காணும்..என் கண்ணுல்ல படல்லயா இல்ல ஆண் ரசிகர்கள் எல்லாம் அய்யா திட்டுனதைக் கேட்டுத் திருந்துட்டீங்களா

எப்படியோ இதுல்லயும் போட்டிக்குப் பெண்கள் வந்திருப்பது எனக்கு ஆறுதலா இருக்கு... எந்தப் பொட்டித் தட்டுற் அக்காவாது நாக்கு மேல பல் படாம லந்தா நக்கல் விட்டா ...

COME THE HERE LOOK THE THERE அப்படின்னு அவங்க கூத்தையும் கொஞ்சம் காட்டி வாயைக் கட்டலாம் இல்ல..

போற போக்கைப் பார்த்த நம்ம நண்பன் ஒருத்தன் சொல்லுற மாதிரி 2020ல்ல தமிழ்நாட்டுல்ல த்ரிஷா அமைஞ்சாலும் அமைஞ்சிருமோ...இல்ல அட்லீஸ்ட் த்ரிஷா அமைப்போம்ன்னு குரலாவது ஒலிக்கும்ன்னு நினைக்கிறேன்...



அடுத்த 'அம்மா' இவங்க தானா..

அடுத்து நம்ம பெரிய அண்ணா புகழ் ஷில்பா ஷெட்டி டாக்டர் ஆயிட்டாங்களாம்... எங்கேவா..நம்ம இந்திய டாக்டர்கள் எல்லாம் எங்கே பயந்து பம்மி இருக்காங்களோ அதே வெள்ளைக்காரன் தேசத்தில்... ஆமாங்க இங்கிலாந்து தேசத்துல்ல எதோ ஒரு யுனிவர்சிட்டி லீட்ஸ்ன்னு நினைக்கிறேன்... அம்மணியின் பெரிய (!!!!???) சேவையைப் பாராட்டும் விதமா டாக்டர் பட்டம் கொடுத்து கவுரவப் படுத்தி இருக்காங்களாம்...


டாக்டருக்கு கட்டிப்பிடி வைத்தியம் தெரியுமாம்


என் பிரண்ட் ஒருத்தன் டாக்ட்ரேட் பண்ணுறேன்னு ஊர் உறவை எல்லாம் விட்டுட்டு வருசக்கணக்கா லக்னோவுல்ல தாவு தீர நோவெடுக்க உழைச்சும் இன்னும் டா கூட அவனுக்கு கொடுத்தப் பாடில்லை.. ஆனாப் பாருங்க அக்கா அசால்ட்டா டிவியிலே அழுது டாக்டர் பட்டம் வாங்கி தலையிலே தொப்பி எல்லாம் சீனாப் போசும் கொடுத்துட்டாங்க...


சரி டாக்டர் ஷில்பா செட்டிக்கும் தலைவி த்ரிஷாவுக்கு என் மனமார்ந்த வாழ்த்துக்களைத் தெரிவிச்சுட்டு இந்தக் கச்சேரியை முடிச்சுக்குறேன்...

வர்றட்டா மக்கா

tamil10