உலகக் கோப்பைக்குப் போறோம் - ஆரம்பக் காட்சிகள்

உலகக் கோப்பைக்குப் போறோம் என்று உற்சாகமாய அறிவித்ததைத் தொடர்ந்து பதிவுலகின் பல முனைகளில் இருந்தும் நமக்கு ஆதரவு பெருகி வருகிறது... அதுப் பற்றிய முதல் செய்தித் தொகுப்பு..

நேற்று சிறப்பு விமானம் மூலம் அணிக்கான ஸ்பெஷல் பயிற்சியாளர் பினாட்டல் சுரேஷ் துபாயியிலிருந்து ஆந்திராப் பார்டர் வந்து இறங்கினார்.

அணியின் மொத்த வீரர்கள் கேப்டன் கொத்தனார் மற்றும் அணியின் பயிற்சி புயல் கிரேக் கைப்புள்ள தலைமையில் தெலுங்கு தேச லேட்டஸ்ட் ஆன்மீக சித்தி ( சித்தின்னா.. சித்தருக்கு அப்போஸிட்) வெட்டி மாதாஜியைச் சந்திச்சு அருளாசி வாங்க்ப் போய் முடியாம வெக்கத்தோடயும் வேதனையோடும் திரும்ப நேரிட்டுச்சு

ஜொள்ளு பாண்டி சித்தியோட சிஷ்யைகளிடம் சித்து வேலைகளால் ஈடுபட்டதாய் ஆந்திர பத்திரிக்கைகளில் கிசுகிசு செய்தி வந்தது. அந்தச் செய்தியை அணியின் மேனேஜர் டி.பி.ஆர் மறுத்து பதில் அறிக்கையை தமிழில் கொடுக்க... வெட்டி அதை தெலுங்கில் மொழிபெயர்த்துக் கொண்டிருப்பதாகக் கடைசித் தகவல்.


சிறப்புப் பயிற்சியாளர் வந்து நடத்திய முதல் கட்டச் சோதனையில் அணியின் பயிற்சி புயலுக்குப் பேட் பிடிப்பது எப்படி என்ற கிரிக்கெட் அடிப்படை அறிவு கூட இல்லாதது வெளி வந்துள்ளது.

அடுத்ததாக அணியின் 93% சதவிகித வீரர்கள் வெறும் பீல்டர்களா மட்டுமே களத்தில் நுழைந்திருக்கும் திடுக்கிடும் தகவ்லும் சிறப்பு பயிற்சியாளரைப் பதற அடித்துள்ளது.

தன்னை ஒரு சிறப்பானப் பீல்டர் என்று நம்மிடம் அறிமுகப்படுத்திய ஜி சொல்லியதாவது.. பந்து கொஞ்சம் சிறிசா இருக்கதால்ல பிடிக்கறது கொஞ்சம் கஷ்ட்டமா இருக்கு.. பந்தை புட் பால், வாலி பால் மாதிரி பெரிசா ஆக்கிட்டா.. பீல்டிங் இன்னும் எளிமையாக இருக்கும் எனக் கருத்துத் தெரிவித்தார்.

ஆட்டத்தின் இடைவேளைகளில் தள்ளப்படும் குளிர்பான வண்டியை மீண்டும் மீண்டும் தள்ளிப் பார்த்துப் பயிற்சிச் செய்துக் கொண்டிருந்த ராயல் ராம்...சரக்கு வச்சிருக்கேன் அதை இறக்கி வச்சிருக்கேன் என்று பாட்டுப் பாடிக் கொண்டிருந்தார்.

நாட்டாமை ஸ்யாம் சுற்றி அம்ர்ந்திருந்த கப்பிப் பைய, தம்பி, நாகை சிவா போன்ற வீரர்கள் எதோ தீவிர ஆலோசனையில் இருந்தனர். விசாரித்தப் போது..

"ஏன் தம்பி.. தீர்ப்புச் சொல்லுறவனுக்கு ஒரு கவுரவம் வேணாமா.. வேகாத வெயிலே நின்னு தீர்ப்புச் சொல்லுற நீயு எப்படி இருக்க்கோணும்.. மார்ல்ல குளு குளுன்னு சந்தனம்.. ஒரு மரத்தடி.. கையிலே சொம்பு.. வாயிலே வெத்தலன்னு வீராப்பா இருக்க வேணாமா.. அதை விட்டுபுட்டு கோமாளி மாதிரி தொப்பி.. கோர்ட்ன்னு வெயில்ல நல்லாவா இருக்கு.. கிரிக்கெட்ல்ல தீர்ப்புச் சொல்லுற நாட்டாமைக் கெட்டப்பை மாத்தோணும் தம்பி.. அதான் இந்த நாட்டாமைத் தீர்ப்பு.."

உடனிருந்தவர்களும் பலமாக ஆமோதிக்க அவர் அம்பையரைத் தான் சொல்லுறார்ன்னு நமக்குப் புரிய ரொம்ப நேரம் ஆச்சு..

அணித் தலைவர் கொத்தனார் புதிய வீரர்களான பாஸ்ட் பௌலர், மணிகண்டன் ஆகியோரிடம் கிரிகெட் விளையாடுவது எப்படி என்று விசாரித்தறிந்துக் கொண்டிருந்தார்.

சிபி,இளா, தேவ்.. மூவரும் பேட் கட்டுவது எப்படி என்று ஒருவரை ஒருவர் விசாரித்த வண்ணம் இருந்தனர்..

அடுத்த சிறப்புப் பதிவில் அணியின் சிறப்பு பயிற்சியாளர் பெனட்டலாரின் சிறப்பு பேட்டி மற்றும் அணித் தலைவர் கொத்தனாரின் நேர்காணலும் வெளிவரும்..